ضيف

                                                        


  • صفحة 1 من%
  • 1
منتديات الحياة » المنتدي المتنوع » ويبقى الشعر » وأحس إن ربايتـي فيك راحت .. بـــــــــــــــــلاش ..!
وأحس إن ربايتـي فيك راحت .. بـــــــــــــــــلاش ..!
Adminالتاريخ: الجمعة, 2013-12-06, 11:47 PM | رسالة # 1
ويب ماستر
مجموعة: المدير العام
رسائل: 1181
حالة: Offline
بتـّلم ليه الهدمتين والطرحتين
والشبشبين ..؟
ماتقوللي ياابني .. واخدني فين ..!
علي بيت جديد ..!

مين اللي قال أنا عايزه ياابني بيت جديد
البيت دهُه
أنا عشت فيه خمسين سنــــه
مش عاوزه غيره أي بيت ..
إسأل بلاط الأرض .. وأسأل كـل حيــط ..!
أنا جيت عروسه صغيره وقعدت فيه لمّا إتحنيت
مااعرفش غيره أي بيـت ...!

أنا عشت ياابني سنين هنا
وأتمنى أموت برضك هنا
علي فرشتي .. ومخدتي
والبطانيه واللحاف

أفتح عينيّ كل يوم ..
وأقفل عينيّ كل يوم
علي إيد أبوك بتضمني ف صورة الزفاف ...
بتدّفي قلبي وتحضنه ف سنين عجاف ...

وانا عارفه ياابني إنْ خَدتني البيت الجديد
أنا راح أخاف ..
وانا ياابني مش عاوزه أخاف ..!

ف الأوضه دي
أنا لسّه عايشه ويّا أبوك .. عمري اللي فــــــــات
أصل الحبايب لو سابوك بيعيشوا فيــك بالذكريــــــــــــات ...

خليني ياابني ويّا أبوك
أصحى .. وأبـات ..
وأعيش معاه باقي الساعات
واشم ريحته .. ف الحاجــــات
مين اللي قاللك .. إنه مـات!

لسّه البدل جوّه الدولاب
جنب السرير آخر كتاب ..

ولسّه سجادة الصلاة
والسبحة فوقها منوّره

ولسّه باسمع ضحكته ..
وسط السكات !

أنا عايشه يابني بحاجة أبوك .. متونـّسـه
وبدخلتك ويّا العيال .. متونّسه

وانا عارفه ياابني ..
ان خدتني البيت الجديد
راح أتنسي
وانا ياابني مش عاوزه
أتنسي ..!

فإن كنت محتاج الوسع
لاجل .. العيـال .. هات العيال
انا عندي ياابني .. سرير كبير
حاارقد علي حرف السريــــر
واسيب لهم باقي السرير ...!

وان كنت محتاج السرير ..
خد السريـر..!
إن شالله أنام فوق الحصير
لكن أنام وسط الأمـان ..!

خليني ياابني وسطهم
قدّرني ( واحده ) منّهـم باقي الزمان ..
وماهوش كتير
وحياتك أنت .. ماهوش كتير ..!
أنا مش حااعيش أدّ اللي عيشته ..
ولانفسي أعيش بعد اللي شفته ..!
كمّل جميلك .. وأستر الباقي ف حياتي ..!

أناعمري ياابني قصاد .. عينيك
فرّطت ف أمي أو حماتـي ؟!
ماتقوللي إيه خلاني ياابني .. أهون عليك ...!
وساحبني ويّا الهدمتين ..
رايح تسلمني .. بإيديك ..!

فرّطـت ف أمـــــــــــك ..!
قوللي ليه ؟!
أنا عمــــــــري يوم ..
فرّطت فيك ؟!

إن كان علي ضيق المكان ..
ماانا قلتلك خد السريـــر ..!
وإن كان علي ضيق المعيشه
أبوك سايبلي معاش كبيـــــــر..!

قسّمته ياابني من زمان النص ليـك ..
و الربع مصروف العيال ..
والباقي مصروف الدوا ..!
لكن خلاص وحيـــــــــــــاة عينيـــك ..
ماعاد حايلزمني .. الدوا ..!!

خد .. المعاش ..
كل المعــــــاش ..!
لكن
بـــــــــــــــــــــــلاش
ترميني ف البيت الجديد ..
وأحس إن ربايتـي فيك راحت ..
بـــــــــــــــــلاش ..!










 
tito007التاريخ: الإثنين, 2013-12-09, 6:49 AM | رسالة # 2
فريق أوّل
مجموعة: المشرفين
رسائل: 58
حالة: Offline
اكثر من رائعه
موثره للغايه
.










 
منتديات الحياة » المنتدي المتنوع » ويبقى الشعر » وأحس إن ربايتـي فيك راحت .. بـــــــــــــــــلاش ..!
  • صفحة 1 من%
  • 1
بحث:
أحدث الموضوعات أشهر الموضوعات
[القرأن و الحديث]
[الأسرة المسلمة]
[الاسلام و الحياة]
[الحب و الرومانسية]
[شخصيات لها تاريخ]
[كرة القدم المصرية]
[كرة القدم المصرية]
[صيانة الكمبيوتر]
[علاء الفقى]
[الاسلام و الحياة]
[شخصيات لها تاريخ]
[ReubenVib]
[Admin]
[ضيف]
[مسلم]
[Admin]
[Admin]
[Admin]
[Administrator]
[tito007]
[MohamedZienhom]
[tito007]

Flag Counter

Copyright ZIZO4ever © 2020
Google PageRank Checker Powered by MyPagerank.Net