| Admin | التاريخ: الأربعاء, 2013-11-13, 11:52 PM | رسالة # 1 |
 ويب ماستر
مجموعة: المدير العام
رسائل: 1181
حالة: Offline
| تضحية زوجة
*********
انا سيده شابه تزوجت من رجل نادرا ما تجد رجل مثله فى هذه الايام . فهو نعم الزوج الصالح ونعم الحبيب . قد كنا نعانى من عدم الانجاب لعده سنوات وضاقت بنا الدنيا وانفقنا كل ما نملك لكن بلا جدوى
وفى يوم اشتكي زوجى من تعب فى عينه اليمنى ورحنا للدكتور وقالنا انه عنده مشكله في عينه وإذا لم نجد لها حل سوف يفقد بصره خلال شهور . والمفروض انه يتزرع ليه قرنيه العين ان المستشفى حتشوف بعد ما تعمله تحاليل حتشوفله قرنيه من أحد الاموات تتناسب مع عينه ومع فصيله دمه . انتظرنا كثيرا فلم نجد حل وأبتدى نظره يضعف جدا وبقيت ببكي عليه فى الخفاء علشان مجرحش شعوره . لحد ما يوم رحت للدكتور وطلبت منه انه يعملى تحاليل علشان يشوف حينفع اتبرعله انا ولا لا
اندهش الدكتور للطلب ده . وقالى يا مدام انتى كده حتفقدى بصرك اذا تبرعتى بقرنيتك قلتله مش مهم انا المهم هو مشوفهوش بيبكي لحظه ولا حزين . وبالفعل طلعت النتيجه وتوافقت عندى كل شئ معه سبحان الله .بس قلت للدكتور وتوسلت اليه انه بلاش يعرف زوجى بده وفعلا حصل وقال الدكتور لزوجي انهم لقوا قرنيه احد الموتى وحيتم زرعها ليه ودخل زوجي غرفه العمليات وهو لايدري ان انا اللى حتبرعله بيها وبالفعل تمت العمليه بنجاح والحمد لله وطبعا مش حقولكم هو عمل ايه لما عرف ان انا اللى اتبرعتله بيها علشان دى كانت لحظه متتوصفش وانا حتى الأن لا اري غير بعين واحده والحمد لله وعايشه سعيده جدا .
واقولكم كمان على الخبر الاحسن انى والحمد لله بعدها بشهرين اصبحت حامل فى 3 توأم بعد رحله العلاج الرهيبه اللى حصلت وبعد ما كنا فقدنا الامل نهائي ربنا حب يكافانى بعملى وما اجملها من مكافأه
والحمد لله انجبت أولادى الثلاثه فى اتم صحه واحسن حال وما ادري ماذا اقول غير الحمد لله كما ينبغي لجلال وجهه وعظيم سلطانه . وانا الان عايشه فى سعاده تامه وموضوع عيني مش مأثر عليا والله ابدا وكأن ربنا وضع لي فى عيني الباقيه نور زياده والله
 
|
| |
|
|
